Lehiaketa ireki bidezko zerbitzuen kontratazioa

Udal honek eraikin enblematiko bat egin nahi du herrian, zeinak hirugarren sektoreko eta enpresen hazitegiko erabilerak hartuko dituen. Eraikin hori Zeharkalearen goiko aldean altxatuko da, Enpresak sustatzeko eta horien langileak trebatzeko Izarra udal zentroaren alboan, Mallabirako bidean. Gaur egun orube horretan herriko kamioilari eta gidari askok beren kamioiak aparkatzen dituzte gauero. Helburu horrekin, udalak lehiaketa ireki bidezko zerbitzuen kontratazioa deitu du, hirugarren sektore eta enpresa-mintegirako eraikin bat altxatzeko oinarrizko proiektua eta exekuziokoa egingo duen enpresa kontratatzeko xedez. Iragarkia, Bizkaiko Aldizkari Ofizialean, uztailaren 9ko 134. alean argitaratu berri da. Lizitazio horren bidez, esan bezala, hirugarren sektore eta enpresa-mintegirako eraikin bat altxatzeko oinarrizko proiektua eta exekuziokoaren erredakzioa kontratatu nahi dira. Lizitazioaren aurrekontua 868.840 euro dira.

Deialdiaren xehetasunak, pleguak eta gainerako agiri grafiko guztiak beheko informazio gehiago atalean sakatu eta ikusi ahal izango dira, zerbitzuen kontratazio atalera eramaten baitu.