Makineria erabiltzen eta mantentzen ikasteko ikastaro berria egingo

Ekonomi sustapen, enplegu eta trebakuntza udal sailak makineria erabiltzen eta mantentzen ikasteko ikastaro berria egingo du. Ikastaro hori langabezia eta Eusko Jaurlaritzaren Lanbide zerbitzuan izena emanda duten langabetuei eskainiko zaie. Ikastaroan hamabi lagunek hartu ahal izango dute parte. Ikastaroa 660 ordu izango ditu, horietatik 300 teorikoak izango dira eta gainerako 360 orduak pratikak egitekoak. Ikastaroa sei hilabetez luzatuko da. Ikataroari hasiera emateko aurreikusi den eguna ekainaren 30a da eta hori bukatzeko abenduaren 31a. Nolanahi ere, datak aurreikuspen bat besterik ez dira, aldatu ahal izango baitira taldea noiz eratzen denaren arabera. Eusko Jaurlaritzaren Justizia, Enplegu eta Gizarte Segurantza sailak ikastaroa diruz lagunduko du.

Taldearen ordutegia goizeko 8etatik arratsaldeko 3ak bitartekoa izango da. Trebakuntza teorikoa Izarran, Enpresak sustatzeko eta Trebatzeko zentroan, emango da. Aldiz, praktikak Artamendin egingo dira. Argibide gehiagorako eta izena-emateko, interesdunek bi aukera dituzte. Lehena, sailak Torreta Etxean, Bizkaiko Etorbidean, dituen bulegoetatik pasatzea edo bertako 943 179151 telefonora deitzea. Bigarrena, Mallabirako bidean dagoen Izarra zentroan galdetzea edo bertako 943 179018 telefono zenbakira deitzea.