Ia 3 milioiko kostua duten 11 obra proiektu onartu dira Toki-inbertsioko Estatu Fondoan aurkezteko

Ermuak hamaika obra proiektu aurkeztuko ditu Toki-inbertsioko Estatu Fondoaren deialdiari atxikitzeko. Proiektu horiek guztiak ia hiru milioi euroko kostua dute, BEZ barne. Toki-inbertsioko Estatu Fondoaren xedea toki-eremuan inbertsio publikoa sustatzea da, horretarako Toki-entitateen eskumenen barne dauden eta obra berri eta berehala egin beharrekoentzat finantzazioa eskaintzen duelarik, Administrazio Publikoko Ministerioak. Azken batean, fondo horrek ekonomia eta eraikuntza suspertu nahi ditu, horrek enpleguian ere eragin positiboa izango duelakoan. Udalbatzarrak azken asteotan udal bulego teknikoak prestatu dituen proiektuak aztertu eta eztabaidatu ditu. Udalbatza atzokoan ezohiko Osoko Bilkuran bildu zen eta proposamena ontzat eman zuen 9/2008 Erret-Lege Dekretuan xedatutakoa betetzen zuelako. Onarpen horretan adostasun osoa erakutsi zuten Udalbatzarra eratzen duten lau alderdiek, PSE-EE-PSOE, PP, EAJ-PNV eta EB-Berdeak aho batez onartu baitzuten.

Proposamenak herrirako interesgarriak izango diren hainbat proiektu biltzen ditu, horiek guztiak aurtengo 2009. urtean gauzatu beharko direlarik. Aurkeztutakoen artean, gizarteari eta beren kostuari erreparatuz gero, aipatzekoak dira ondorengoak: Santa Ana, Okin-zuri eta Goienkale auzoak berrurbanizatzeko lanak, -ia 700.000 euro-; Ongarai Eskola eta Anaitasuna ikastetxeen barrualdea urbanizatzekoak, -ia 408.000 €- eta udalerrian haurrentzako jolasak eta hirugarren adinekoentzat errehabilitazio-parkeak jartzekoak, 300.000 euroko aurrekontuarekin. Nolanahi ere, gainerako proiektuak ere garrantzitsuak izango dira, nahiz eta horien exekuziorako behar den dirua txikiagoa bada ere. Bigarren hauen artean, aipatu behar dugu Goienkaleren 13 etxebizitzatik 21era arteko tartea baterako espazioa luzatzeko proiektua –Irudi dendara artean- merkataritza gunea erakargarriago egiteko xedez kale horretan eta Karabixan egin berri direnei amaiera emanez.

Proiektuok gauzatzeko 78 lanpostu bete beharko direla aurreikusi da

Gure udalaren ustez proiektu horiek aurrera ateratzeko hainbat langile kontratatu beharko direla jakin badaki eta, izan ere, hori da Toki-inbertsioko Estatu Fondoaren helburu nagusia. Proiektu bakoitzaren memorian lanak gauzatzeko beharko diren langile kopurua adierazten da. Guztira maila eta espezialitate ezberdinetako 78 lanpostu bete beharko direla aurreikusi delarik. Kontratazio horiek sei hilabeterako egingo dira.

• 9/2008 Erret_Lege Dekretuaren arabera, jaso daitekeenaren aurreikuspena:
  • Ermua: 16.262 Biztanle
    • Gehienezko finantzazioa BEZ barne: 2.878.183 €
    • Gehienezko finantzazioa BEZ gabe: 2.481.192,24 €