Zabortegiei, hondakinei eta osasunari buruzko hitzaldia Lobianon

Osalde Osasun Eskubidearen Aldeko Elkarteak, Ekologistak Martxanek eta Zero Zabor Bizkaiak hitzaldi topaketa antolatu dute gure herrian asteazken honetarako, otsailak 26. Gai nagusiak zabortegiak, hondakinak eta osasuna izango dira, eta horien inguruko informazioa, ardura eta erantzukizunak eta desegitea izango dira mintzagai.

19:00etan hasiko da aurkezpena Lobiano Kultur Gunean. Mario Fernandez, Osasun Publikoan eta Ingurumenaren Arreta Sanitarioan espezializatutako Osaldeko ingurumen medikua eta Javier Vazquez Ekologistak Martxan eta Zero Zabor Bizkaiako kidea arduratuko dira hitzaldia gidatzeaz eta gai nagusiari buruzko informazioa eskaintzeaz.

Sarrera librea da. Lerro hauen ostean uzten dizuegu ekitaldiko kartela.