28 gaztek parte hartuko dute Pro Lab IoT proiektu berritzailean

Ermuko Udalak Pro Lab IoT proiektua jarri du martxan, Bizkaiko Foru Aldundiko Enplegu, Gizarteratze eta Berdintasun Sailarekin batera finantzatuta. Ekimenak ekintzailetzako eta kalitatezko enplegu egonkorreko proiektu berritzaileak sortzen eta abian jartzen sakontzen du.

28 ikasle gaztek parte hartuko dute esperientzia honetan: Uni Eibar-Ermuko Sareko Sistema Informatikoen Administrazioko 15 ikaslek, Mondragon Unibertsitateko LEINN lidergo ekintzaile berritzaileko graduko 7k eta Armeria Eskolako 6k, Fabrikazio Mekanikoko Diseinuko (2), Telekomunikazio eta Informatika Sistemeetako (2) eta Fabrikazio Mekanikoko Ekoizpenaren Programazioko (2) moduluetako ikasleek, zehazki. Horrela, diziplina anitzeko taldeak sortuko dira, Elon Smart Tech Izarra Centren kokatutako teknologia-enpresak gidatuta, industrian eta lurraldean IoT (Internet of Things) ezartzeko prototipoak garatzeko. Ekintzailetzako prestakuntzari, negozio-proiektuak sortzeari, design thinking-ari eta abarri dagokienez, Tazebaez tokiko konpainia izango dute lagun.

Pro Lab IoT ekimenak jarraipena ematen dio iaz Aldundiak babestu zuen Ekintzailetza Digitaleko Programa Integratuari (PIED), eta IoTBASQUE Izarra Lab proiektuari lotutako enpresa-ekimenen sorrera dinamizatu nahi du. Horrela, Ermuko Udalak arlo ekonomikorako dituen bi helburu estrategikori erantzuten zaie: talentua erakartzea eta industriaren kualifikazioa.

Azpimarratzekoa da IOTBASQUE Izarra Lab, Ermuko Udalak eta Gaia Klusterrak – sektoreko 260 enpresa baino gehiago biltzen dituen Euskadiko Ezagutzaren eta Teknologia Aplikatuaren Industrien Elkartea – bultzatua, IoT soluzioak erakusten dituen laborategia dela Izarra Centren, eta Ermua IoT industriaren eta berrikuntzaren nazioarteko mapan kokatu ahal izango duela. Gune horrek soluzioen katalogo bat eskainiko du, hiriei eta enpresei beren baliabideen kudeaketan lehiakorragoak eta eraginkorragoak izateko aukera emango diena. Horrela, gai izango gara eskaria hobeto aztertzeko, kasu praktikoak ezagutzeko eta horrelako irtenbideek ekar ditzaketen onurak eta abantailak ikusteko.

Pro Lab IoT asteazken honetan aurkeztu da Udalbatzaren Informazio Batzordean. Aurkezpen osoa lerro hauen azpian duzue ikusgai, 17:50 minututik aurrera (eguneko gai-zerrendako 6. puntua).