Emakumea Sustatzeko Zentroak mende erdi baino gehiagoko ibilbidea ospatuko du

Ermuko Emakumea Sustatzeko Zentroak ibilbide eta historiaren jabe da. Gure herrian emakumeak ahalduntzeko prozesuari hasiera eman zion ernamuina izan zen, autoantolaketarako eta frankismo osteko gure gizartearen egiturazko gabezia eta kezkei erantzuteko. Zentroa sendotu egin zen eta hainbat lokaletatik igaro zen. Zentroak ibilbide eta bizipenak izan ditu, emakume protagonistek horiek galdu eta ahantzi daitezela ez dutelarik nahi. Hori dela eta, Ermuko Sustapen Zentroko ikasle ohiek ikus-entzunezko proiektu bat planteatu dute euren oroimena iraunarazteko, eta proiektu hori aurrera eramateko Iratxe Ugalde, Klemente Corredera eta Sonia García izan dituzte lagun.

Dokumentala egiteko: Cuando espanilamos! Ermuko ESZak kontatutako historia, ikerketa bat egin da, zentroko emakume eta erabiltzaileen informazioa eta testigantzak jaso dira, Bizkaiko Emakumearen Sustapenerako beste Zentro batzuen erreferentziarekin. Belaunaldi ezberdinetako emakumeak, beren biografia indibidualaren bidez, Zentroaren historia kolektiboa osatzen lagundu dute. Horren guztiaren osagarri, garai hartako une sozial eta historikoa aztertu da, zentroaren lau hamarkadetako ibilbidea testuinguruan kokatzeko. Lan hau Ermuko Udaleko Berdintasun Sailaren laguntzarekin egin da.

Dokumentala abenduaren 1ean aurkeztuko, herri bazkaria azaroaren 30ean egingo

Ikastetxeko kide izan ziren emakumeei, irakasleei zein erabiltzaileei, egindako elkarrizketa ugarien bidez jasotako testigantzak dokumental honi forma emateko editatu dira. Ikus-entzunezkoa abenduaren 1ean, igandean, eguerdiko 12.00etan aurkeztuko da Ermua Antzokian. Emanaldi irekia eta doakoa izango da.

Bezperan, azaroaren 30ean, larunbata, merkatu plaza zaharrean bazkari herrikoi bat egingo da Zentroari lotuta sentitzen diren eta berriro elkartu nahi duten emakume guztiekin. Aukera berezia, Emakumearen Sustapenerako Zentroak herrian egindako lan sozial eta kulturala gogoratzeko bildu nahi dutenentzat. Aste honetatik aurrera Izelaietako Emakumearen Topagunean izena eman dezakete interesatuek.

Urteurren hau Lobiano Kultur Gunean martxoaren lehenengo hamabostaldian ikusgai jarriko den erakusketa batekin amaituko da, Ermuko emakumearen sustapenerako zentroaren historia irudietan ¡Cuando espabilamos! izenburupean.
Informazio gehiago Ermuko Emakumearen Topagunean.