Ermua Ekinean ekintzailetzari laguntzeko programaren bigarren edizioa abian da

Izarra Fundazioak eta Ermuko Udalak Ermua Ekinean ekimenaren bigarren edizioa antolatu dute, ekintzaileei laguntzeko programa integrala. Ekimen hau ideia berritzaileak dituzten pertsonei eta garatzen ari diren enpresa-proiektuei babesa emateko diseinatuta dago, eta bere helburu nagusia Izarra Centren enpresa eta proiektu berritzaile berriak sortzea eta/edo sendotzea da. Aukera paregabea ideiak errealitate komertzial sendo bihurtzeko.

Ermua Ekinean ekimeneko partaideek honako hauek jasoko dituzte:

• Laguntza integrala: proiektuaren lehen etapetan nahiz sendotze lanetan egon, Ermua Ekinean ekimenak badu zerbait guztiontzat. Gaikuntzatik eta aholkularitzatik hasi eta lan-guneetara eta finantzaketa-aukeretara iritsi arte, programak bideko urrats bakoitzean parte hartzen duten pertsonak babesten ditu.
• Modalitate bereiziak: parte-hartzaileek bi modalitateren artean aukera dezakete: Start, hasten ari badira, edo Scale Up, proiektua hurrengo mailara eramateko prest badaude.
• Ebaluazio-irizpideak: ideiak irizpide hauen arabera ebaluatuko dira: berrikuntza-maila, lehentasun estrategikoekin bat etortzea eta bideragarritasuna.
• Enpresa-komunitatea: parte-hartzaileek ekintzaile sutsuen komunitate batekin bat egin ahal izango dute, ezagutzak, esperientziak eta aukerak partekatzeko.

Programa honetan parte hartu nahi dutenek formulario hau bete beharko dute euren datuekin eta gehienez 3 minutuko bideo bat bidali beharko dute ideia edo proiektua azaltzeko info@izarracentre.com helbidera. Izena emateko epea gaurtik, martxoaren 21etik, apirilaren 19ra, ostirala, egongo da zabalik

Sartu programaren oinarrietara Dokumentuak atalean.