Gabonetako kontzertua emango Ermuan; Debabarrenako orfeoiak

Debabarrena Orfeoiak Eguberriko eta doako kontzertu berezia eskainiko du aste honetan Ermuko Santiago Apostoluaren elizan. Gabon egunaren bezperan izango da, 20:00etatik aurrera. Sarrera librea eta doakoa izango da.

Jose Miguel Laskurain orfeoiko zuzendariaren hitzetan, "mundu guztiari gustatzen zaizkion horietako kontzertu bat izango da, hamar gabon-kanta interpretatuko baititugu, ezagunak eta herrikoiak, entzule guztien gozagarri izango direnak".

Gabon kanten eta azken emanaldien xehetasuna

Estilo sinfoniko-koraleko gabon kanten programak hainbat hizkuntzatan (euskaraz, gaztelaniaz, latinez, alemanez eta ingelesez) interpretatuko ditu, J. M. Laskurain zuzendariak egokituak, eta honako izenburu hauek izango dituzte:

• Abide with me
• Holy night!
• Jul, Jul strälande jul
• Hator hator
• Oi Betleem
• Adeste fideles
• Kanta diezaiogun Mariari
• The first Noel
• Joy to the world
• Come all ye faithfull

Orfeoiak minigira bat egin du Aragoin zehar joan den Pilarreko zubian, Jacan eta Aínsan emanaldiak izanik,  ikus-entzuleen aldetik harrera oso ona izan du bi herrietan. Aurreko azken igandean emanaldia eskaini zuen Eibarko Egogain egoitzan, bertan bizi diren adineko pertsona guztiak animatzeko.