Atletismoko kirolariek Ermuan eta Eibarren kontzentratuko dira datozen egunetan

Euskadiko Atletismoko Federazioak kirolarien kontzentrazioa antolatu du, Domu Santuko zubirako. Kirolarien kontzentrazioa Ermuan eta Eibarren izango da urriaren 29an, 30ean, 31n eta azaroaren 1ean. Kontzentrazio honetara abiadura, hesi, luzera- eta altuera-jauzi eta jaurtiketa espezialitateetako kirolariak bilduko dira. Jauzi atalean Ermuko Javier Villalobos Santos, Alex Soto Iglesias, Jorge Vega Rueda eta Sergio Campo Pastor kirolariek hartuko dute parte. Halaber, Bidezabal Klubeko kide diren eta Ermuan entrenatzen duten beste lau atletek ere bertan izango dira: Mikel Jiménez Fernández (Galdakao), Vicente Rodríguez Ventoso (Lekeitio), Xabier Presa Abrisqueta (Ugao) eta Fernando Campo Barriosuso (Gasteiz).