Seigarren Mendeurrena eta Probaleku kaleetako pasabidea itxi egingo da, ur-ihesbidea konpontzeko

Seigarren Mendeurrena eta Probaleku kaleetako pasabidea itxi egingo da gaurtik hasi eta bi edo hiru egunez, ur-ihesbidea konpontzeko. Bidearen mozketak trafikoari eragingo dio eta automobil gidariok kale horretara Kaltxango eta Zubiaurretik sartu beharko gara. Halaber, zamalanetarako gunea Miguel harategiaren paretik Herga tabernako izkinara lekuz aldatuko da. Bide-mozketa eta desbideratzearen arrazoia ura kudeatzen duen Aquagest enpresak hodi bat aldatuko duela da, ur-ihesa izan eta ur piloaa isurtzen baitago. Ordezkatu beharreko hodia Akelarren tabernaren aurrez aurreko zeebra bidean dago.

Kalean arratsalde honetan bertan itxiko da. Aquagest beharko duen makineria iristearen zain dago, konponketa lehenbailehen hasteko, hirigunearen erdia izanik, leku korapilatsua baita, are gehiago San Martin azoka ospatzen dugun astean bertan. Nolanahi ere, une unetan ez dago ur mozketa jasango duten kale eta eraikinak zeintzuk diren, lehenengo kalea zulatu eta sarearen zein adar apuntu den ezagutu bitartean.

Eraginak:

Kalea mozteak trafikoan eragina izango du. Garajeak dituzten auzokideek ohiko norabideaz kontra Kaltxangotik sartu eta bertatik atera ahal izango dira. Taxi geltokia bere ohiko lekuan mantenduko den arren, txasitek garaje erabiltzaileek bezala sartu eta atera beharko dira. Udaltzaingoak arreta berezia jartzeko eta kontuz ibiltzeko eskatu digu herritarroi.