Zerukoa 1ngo kaleko bizilagunek urik gabe egongo hodi bat zulatu izanagatik

Zerukoa auzoko eta horren lehenengo kaleko bizilagunek ez dute gaur urik izango hainbat ordutan –momentuz noiz arte zehaztu gabe- ur horniduraren sare orokorreko hodi bat nahi gabe apurtu eta gero, igogailua eraikitzeko lanetan, Hirigintza eta Zerbitzu Alorrek aditzera eman dutenez. Hirigintza eta Gipuzkoako Ur Kontsortzioa koordinaturik lanean ari dira, gorabehera konpondu eta zerbitzua berriz eskaini ahal izateko. Horiek ez dute zehaztu ura noiz ematerik izango duten, matxura dezente handia baita eta “hainbat zirkunstantziek lanak baldintzatu” ditzaketelako.

Nolanahi ere, beren helburua ur-hornidura zerbitzua lehenbailehen bere onera ekartzea da. Gertakizuna goizeko hamarrak inguruan gertatu da auzoan igogailua eraikitzeko lanetan hondeatzeko makina batek hodia apurtu duenean. Bilboko Construcciones Olabarri enpresa esleipendunak aste honetan bertan hasi ditu San Pelaio, Aldapa eta Zerukoa Ongarairekin lotzeko prestatuko dituen igogailuen lanak.