Udaltzaingoak 13 zehapen-proposamen aurkeztu zituen arauak ez betetzeagatik azken asteburuan

Ermuko Udaltzaingoak hamahiru (13) proposamen helarazi dizkio Eusko Jaurlaritzako Segurtasun Sailari, udalerriko beste horrenbeste pertsona zigortzeko, Herritarren Segurtasunerako Legea (HZL) eta SARS-CoV-2k kutsatzea saihestu eta transmisio-katea eteteko ezarrita dauden neurriak ez betetzeagatik, Herritarren Segurtasunerako bozemaile batek ezagutzera eman duenez. Azaroaren 27ko ostiralean herriko agenteek pertsona bat atxilotu zuten kalean alkohola kontsumitzeagatik eta Covid-19ari aurre egiteko babes-neurriak betetzeari behin eta berriz uko egiteagatik. Atxilotuak Elgoibarren (Gipuzkoa) zuen helbidea, aipatu iturriak azaldu duenez.

Hona hemen zehapen-proposamen horien xehetasunak eta horiek luzatzeko arrazoiak:

• 7 kasu bide publikoan alkohola kontsumitzeagatik.
• 2 kasu, konfinamendu perimetrala gainditu eta udalerritik mugakidea ez den beste batera joan izana justifikaziorik gabe.
• 2 kasu, nahitaezko den maskara ez erabiltzeagatik.
• Kasu 1 taldean jolastu izan eta utzi nahi ez izateagatik.
• Kasu 1 establezimenduan edari alkoholdunak zerbitzatzeagatik.

Proposamen horiek, kalifikazioaren edo kontsiderazioaren arabera, 120 eta 3.000 euro bitarteko zehapen edo isuna izan dezakete.

Udaltzainek, Estatuko segurtasun-kidegoak diren aldetik, jagole lana egin behar dute herritarrok arau eta dekretuetan xedatutakoa betetzen dugula, osasun eta ongizate kolektiboaren mesedetan.

Komunitate-transmisioa saihesteko zaintzea eta babestea guztion erantzukizuna da.