Adimen Artifiziala erronka eta aukera bat da bai enpresentzat eta baita gure gizartearentzat ere

Ermuak ‘TalentIC 2023' jardunaldi bizi eta interesgarri bati amaiera eman dio gaur. Topaketa- eta hausnarketa-foroa, etorkizun hurbilari begira talentua eta adimen artifiziala ardatz izan dituena. Eguneko ondorio nagusien artean ondokoak ditugu: AA jada gure artean dago, geratzeko etorri dela eta aukera berriak ekarriko dizkigula.

Juan Carlos Abascal Red Innpulsoko presidentekide eta Ermuko alkatearen eta Joana Sanchez Viladecanseko alkateordearen hitzekin hasi da ostiraleko jardunaldia.

Sergio Gil López astrofisikariak, Tecnaliako Adimen Artifizialeko arduradunak, hitzaldi dinamiko eta interesgarri bat aurkeztu du, Adimen Artifizialera ekarri gaituzten historiako mugarriak errepasatuz. Ibilbidea egin ondoren, AAren definizio bat osatu du, egungo ikuspegitik.

Jarraian, Tecnaliako Gaizka Arizmendiarrietaren, Tekniker-eko Eneko Ugalderen eta LKS Next aholkularitzako Ander Sansienearen testigantzak entzun ditugu, industrian AAren ezarpenean arrakasta izan duten kasuei eta enpleguan izan duen eraginari buruzkoak.

Etenaldi baten ondoren, industriako erabilera zehatzen kontakizuna ezagutu dugu, baita enpleguan duen eragina ere. Eneko Gorritxategi Atten2koak eta Unai Martinez CEO Scootik taldekoak parte hartu dute. AAko adituen eta erabiltzaileen izendatzaile komuna da ausartu egin behar dugula, azken erabakia beti pertsonek hartuko dutela, eta gizarte gisa aurrera egiteko laguntza izango dela. Horri aurre egitea, egokitzea eta horrek dakartzan aldaketetarako prestatzea eta integratzea funtsezkoak izango dira. Errealitate berri horri uko egitea edo bizkarra emanda bizitzea, gure kalterako izango da.

Eguerdian, Aurea Rodríguez Talentuaren sortzaileak eta Esther López Terrassako Udaleko Berrikuntza eta Unibertsitate zuzendariak kontuan hartu beharreko balioei buruz hitz egin dute, Adela Arterorekin moderazio lanetan.

Josu Ansola zuzendariak Ermua Ekinean 'programaren lehen zirriborroa aurkeztu du, ekintzaileei laguntzeko eta talentua bilatzeko. Bi deialdi izango ditu eta lau ekimeni laguntzea aurreikusten du. Horretan sakonduko dugu, aurrerago.

Itxiera Zabala Innovationeko Guillermo Dorronsorok eta Deusto Business Schooleko irakasleak egin dute, erakusketa dinamiko batean, eta parte-hartzaileen konplizitatea interpelatu eta bilatu dute, talentuari eta adimen artifizialari buruz argi hitz egin digutenean. Itxiera gogoangarria.