Ermua Hiriko XLII. futbol saria aste honetan jokatuko da

Ermua Kirol Elkarteak Ermua Hiria futbol sariaren berrogeita bigarren edizioa (42) antolatu du aste honetarako, Coviden pandemiagatik hainbat ediziotan kale egin ondoren. Irailaren 9ko larunbatean izango da, arratsaldeko 6etatik aurrera. Ordu horretan bi partida jokatuko dira; lehenengoan C. D. Arratia eta Lekeitio F. T. taldeen nor baino nor arituko. Ordu berean eta ondoan dagoen Teodoro Zuazua zelaian Ermua C. D. eta S. D. Amorebieta taldeek neurtuko dituzte indarrak. Lehenengo partida galtzen duten bi taldeek hirugarren eta laugarren postuak eskuratzeko elkarren artean jokatuko dute arratsaldeko 7etatik aurrera. Lehen norgehiagokako irabazleek, bestalde, iluntzeko 8etan finala jokatuko dute finala, talde txapelduna eta txapeldunordea erabakitzeko.

Final horren ohorezko sakea Juanjo Lopez entrenatzaileak egingo du. Lopezi merezitako omenaldia egingo zaio 38 urteko zerbitzuagatik eta herriko kirol klubarekiko konpromisoagatik. Juanjok gazteen belaunaldi ugari entrenatu ditu gorritxoen elastikoa jantzi duten gazte taldeetan; ia lau hamarkadako konpromisoa betez.

Txapelketa honek azken orduko ezusteko bati aurre egin beharko dio. Aipaturiko bi futbol-zelaiek une honetan argiztapen artifizialik ez baitute, instalazio publiko horiek abuztuan lapurreta jasan baitute, korronte elektrikoak banatzen zuen kobrezko kablea ostu baitute. Udalak, jada, salaketa jarri du Ertzaintzan, eta lapurretaren bideo-irudiak eramanez autoreak identifikatzen saia daitezen, aseguru-etxeari ere eman dio gertatutakoaren berri. Dagoeneko lanean ari da, lineako kablea berrezartzeko eta hornidura ahalik eta azkarren berrezarri ahal izateko.