23. Korrika ostegun honetan, hilak 14, hasiko da Irunen, arratsaldeko 4etan. Euskararen aldeko ekimenak 11 egunetan zehar Euskal Herriko bazter guztietatik pasa eta Baionan amaituko da hilaren 24an. Ibilbidean 2.700 kilometro egingo ditu, eta horien xehetasunak KORRIKAren app-an eta/edo ekimenaren webgunean kontsulta daitezke.

Lasterketa asteazkenean, hilak 20, Ermura iritsiko eta zeharkatuko du; goizeko bederatziak laurden gutxi aldera Aixolara iritsiko da, Eizaga (Zaldibar) auzotik jarraitu, Areitio gainean irten eta Aritzmendi pilotalekutik Ermuko herrigunera goizeko 10ak aldera iristeko.

Herriko ikastetxeek aldez aurretik ospatuko dute aste honetako ostiralean (hilak 15) arratsaldeko hirurak eta laurdenetatik aurrera. Ikastetxe guztiek batera antolatutako jarduera batean parte hartuko dute. Lasterketa San Lorentzo ikastetxetik abiatuko da, BI-3344 errepidetik igoko da San Antonioraino, trenbidearen azpiko pasabidea zeharkatu eta Abeletxeko egoitzatik gora jarraituko du; Goienkaletik Seigarren Mendeurrenarekin (Irudi) lotzen den tokiraino, San Pelaio kaletik jarraitu, Diputazioraino jaitsi, VI. Mendeurrenetik igo, eta azkenik Zubiaurre zeharkatu ondoren plazara iritsiko da.

Euskararen festak plazan jarraituko du. Programa ondorengo hau da:

16:00etan, Musika emanaldia
16:30ean, Txokolatada, Diskofesta,
18:00etan Jolasak
20:00etan: Elektrotxaranga
22:30ean: EusDJak

Ikastetxeen 'Korrika txikia'k lasterketa badatorrela iragarriko du

Lotutako albisteak