‘Pequeñas cartas indiscretas’ eta ‘Civil war’: astebururako zinema proposamenak

Ermua Antzokiak lau nobedade zinematografiko proiektatuko ditu aste honetan. Vanessa Filho zuzendariaren 'El consentimiento' film frantsesak emango dio hasiera programazioari ostegunean, 20:30ean. Sexu-abusuei buruzko drama biografiko bat, 2023an estreinatua, bi ordu irauten duena. Filma Parisen kokatua dago, 1985ean. Vanessak hamahiru urte ditu Gabriel Matzneff ezagutu zuenean, berrogeita hamar urteko idazle ezaguna. Nerabea mundu kultural eta politikoak txalotutako gizon baten maitale eta musa bihurtzen da. Pixkanaka konturatzen hasten da egoera zein suntsitzailea eta anormala den, azkenik Matzneff benetan den harrapari gisa ikusten duen arte.

Zine komertzialaren atalean, larunbatean 19:20ean eta astelehenean 20:30etan Thea Sharrock zuzendariaren 'Pequeñas cartas indiscretas' filma britainiarra ikusi ahal izango dugu. Benetako gertakarietan oinarritutako intrigazko drama bat da. 20ko hamarkadan, kostaldeko Littlehampton hirian, Edith Swan debotoa eta herriko beste biztanle batzuk eskandaluzko gutunak jasotzen hasi ziren, hizkuntza xelebre bezain lizunarekin idatziak. Berehala susmoak Rose Goodingen gainean jarri ziren, herriko bizilagun sutsu batengan.

Asteko bigarren proposamen komertziala 2024an estreinatu den ekoizpen iparramerikarra da: 'Civil War'. 109 minutuko iraupena duen akziozko thriller bat. Sinopsiaren arabera, Amerika gerra zibil odoltsu batean murgilduta dagoen etorkizun hurbilean, gerrako kazetari eta argazkilari talde batek errepidez bidaiatzeari ekingo dio Washington DCrantz. Larunbatean 22:00etan eta igandean 19:30ean ikusi ahal izango dugu, hurrenez hurren.

Azkenik, gazteenentzako saioan, igandean, 17:00etan, pantaila handian 'Un Rey Supermono' animazioa izango da, Dick eta Ralph Zondag anaiek zuzendutako animalia-komedia. Ehun minutuko ekoizpen iparramerikarra da. Zeruaren eta Lurraren etorkizuna tximino jainko errugabe eta desinhibitu baten patuaren mende dago, Txinparta.