Sakonako txakurren parkeko hesia aldatu egingo da

08.07.24
Zerbitzu Teknikoa eta Brigada
Hirigintza
Hesi metaliko elektrosoldatu batek ordeztuko ditu egungo zurezko hesi hondatuaren 160 metroak

Udaleko Zerbitzu Sailak Sakonako txakurren parkearen hesia ordezkatuko du, Brigadako arduradunak iragarri duenez. Gaur egun, tratatutako egurrezko hesi bat du perimetroak, eta kalean dagoenez, denboraren poderioz eta klimatologiaren eraginez alperrik galdu egin da.

Egungo zurezko ehun eta hirurogei metro (160 m) linealen ordez hesi metaliko eta elektrosoldatu berde bat jarriko da. Lanak "Saigo Cerramientos" enpresak egingo ditu, uztailaren 10etik aurrera (asteazkena) eta hilaren 19rako (ostirala). Horniduraren eta instalazioaren kostua 6.000 €uro izango da, BEZa aparte.

Udaltzaingoak bi aparkaleku seinaleztatu eta erreserbatu ditu parkearen sarreraren aurrean, bihar, asteartea, iritsiko den materiala deskargatzeko.

Lotutako albisteak

14.02.25
San Pelaio kalearen oinezkoentzako guneko hiri-altzariak berritu dira

Zerbitzuen alorrak hondatutako eta mantenua behar zuten 22 banku ordezkatu ditu, beste banku birziklatu eta jasangarriago berri batzuk ipiniz
20.01.25
Gipuzkoa Etorbideko argiteriaren zati bat matxuratuta dago

Brigada lanean ari da 6-36 bitarteko zenbakien tartea ilunpetan mantentzen duen linea berrezartzeko
15.01.25
Saihesbidearen bigarren fasea eta garraio astunetik desbideratzeko azterlana aurrera doaz

Alkatea eta Foru diputatua bildu egin dira gaur, bi gai horiez hitz egiteko