Gailu mekanikoetako matxura eta gorabeherak

Lan eta Zerbitzuetako udal Lantaldeak ezagutzera eman duenez auzoen arteko irisgarritasuna eta altuerei aurre egiteko ditugun elementu mekaniko zenbaitek gorabeherak izan dituzte. Izan ere bi matxura gertatu dira Zerukoa auzora igotzen duten eskailera mekanikoetan eta Ongarai gainera igotzen duten arrapalen zati batean. Bi gorabeherek koordinatu eta atenditu dira.

Zerukoa auzoko eskailera

Aurreko asteko ostiralean jakin izan genuen Zerukoa auzoko eskailera mekanikoaren maila bat behera etorrita zegoela eta arrazoi horregatik mekanismoa geldirik eta zerbitzurik gabe. Matxura mailari eusten –jasotzen eta tolesten- zuen gurpilean kokatzen zen, apurtuta baitzegoen.

Ongaraiko arrapala

Ongarai auzora igotzen duen arrapala mekanikoaren hirugarren zatia matxuratu eta zerbitzuz kanpo egon da baita ere. Arazoaren mamia elektrikoa zen., zeinak mekanismoa geldiarazi zuena.

Matxurak konpontzeko bi kasuetan koadro elektrikoak ireki eta barnean ibiltzea beharrezkoa zenez, segurtasuna bermatze aldera, ez zen egin euria botatzen gelditu gabe egon zenez kontaktu elektrikoak jasateko zegoen arriskua altua baitzen.

Atzokoan, eguraldiak hobera egin eta ateri egon zenez, aldatu beharreko piezak ordeztu eta matxura konpondu egin zuten teknikariek, hurrenez hurren. Gorabehera gehiagorik izan ez zenez, mekanismoak jada funtzionatzen utzi dira.