Santa Ana auzoko irisgarritasuna hobetu ahal izateko obrak hasi berri

05.10.22
Hirigintza

Santa Ana auzoko irisgarritasuna hobetu ahal izateko obrak hasi berri dira. Abadiñoko Construcciones Lasuen enpresa da kontratuaren esleipenduna, eta datozen hiru hilabeteetan hainbat lan egingo ditu. Lan horiek espaloiak zabaltzeko eta araudira egokitzeko; ibilgailuentzako zein pertsonentzako pasabideak zabaltzeko, eta etorkizunean etxebizitzetan igogailuak jartzeko lekua ahalbidetzeko egingo dira. Aipatu lanak Santa Ana 1, Santa Ana 3 eta Sakona kaleetan egingo dira. Obra hirek 48.400,00 euroan esleitu dira.

Udal Bulego Teknikoak eta Hirigintza Sailak herritarren laguntza eskatu dute, eta, bereziki, lan-eremutik hurbilen bizi diren auzoko bizilagunena. Lan eta obra orotan bezala, hilabete horietan eragozpenen bat sortuko da zaratagatik edo aparkalekuei eragiteagatik, baina eguneko orduetan eta denbora mugaturako egingo da. Ulermena eta pazientzia eskatzen dira.

Lotutako albisteak

14.02.25
San Pelaio kalearen oinezkoentzako guneko hiri-altzariak berritu dira

Zerbitzuen alorrak hondatutako eta mantenua behar zuten 22 banku ordezkatu ditu, beste banku birziklatu eta jasangarriago berri batzuk ipiniz
20.01.25
Gipuzkoa Etorbideko argiteriaren zati bat matxuratuta dago

Brigada lanean ari da 6-36 bitarteko zenbakien tartea ilunpetan mantentzen duen linea berrezartzeko
15.01.25
Saihesbidearen bigarren fasea eta garraio astunetik desbideratzeko azterlana aurrera doaz

Alkatea eta Foru diputatua bildu egin dira gaur, bi gai horiez hitz egiteko